Azərbaycan Tibb Universitetinin Tədris Cərrahiyyə Klinikası
Haqqımızda Şəkillər Xidmətlər
Əlaqə
Fəaliyyət sahəsi
Azərbaycan Tibb Universitetinin Tədris Cərrahiyyə Klinikası - 2008-ci ildə Azərbaycan Respublikasının Prezidenti cənab İlham Əliyevin göstərişi ilə inşa edilməyə başlanılmış və 2013-cü ildə Bakı şəhərində analoqu olmayan 14 mərtəbədən ibarət müasir standartlara cavab verən möhtəşəm bir tibb ocağı xəstələrin və müəllim-tələbə heyətinin istifadəsinə verilmişdir. Yaradılmasında əsas ana məqsədimiz xalqımıza ən yüksək səviyyəli tibbi xidmət göstərmək, hər kəsin ən son etibar edə bilcəyi referans diaqnostika, müalicə və cərrahi mərkəzə çevrilməkdir. Bununla yanaşı yüksək səviyyədə elm-tədris proqramları həyata keçirmək, tibbi kadrların hazırlanması səviyyəsini yüksəltmək, həmçinin ixtisaslaşdırılmış tibbi təhsil və tibb elminin inteqrasiyasının təmin edilməsi üçün imkanların yaradılması, nəzəri biliklərin praktik təcrübə ilə daha sıx əlaqələndirilməsi bizim hədəfimizdir. 500 çarpayılıq klinikada tədrislə yanaşı əhaliyə yüksək səviyyədə diaqnostik və cərrahi tibbi xidmət göstərilir. Klinikamız müasir tibbi təchizat sistemləri ilə təmin edilmişdir. Beləki burada beynəlxalq tibbin tələblərinə cavab verən son dərəcə müasir tibbi cihaz və avadanlıqlar quraşdırılmışdır. Belə müasir aparatlar və tibb cihazlarının hesabına klinikamızda yüksək səviyyədə cərrahi əməliyyatlar həyata keçirilir. Klinikanın Əməliyyat bloku dünyada qəbul olunmuş standartlar və protokollar əsasında bütün müasir tibbi cihaz və avadanlıqlarla təchiz olunmaqla, 18 əməliyyat otağını özündə birləşdirir. Klinikada demək olar ki, bütün növ cərrahi əməliyyatlar uğurla həyata keçirilir–uşaq cərrahiyyəsi, ümumi cərrahiyyə, uroloji, kardioloji, nefroloji, ginekoloji, torokal, kardio-torokal, proktoloji (mədə-bağırsaq cərrahiyyəsi), yırtıqların açıq və laparoskopik cərrahi müalicəsi, endokrinoloji, metobolok cərrahiyyə, şəkərli diabet cərrahiyyəsi, damar, abdominal, laporoskopik, orqan köçürülməsi (transplantololi), burun-qulaq-boğaz, plastik (rekonstruktiv və estetik plastik), köklük və piylənmənin müalicəsi, üz-çənə cərrahiyyəsi, baş-boyun cərrahiyyəsi, neyrocərrahiyyə, travmatologiya və ortopediya və s. əməliyyatlar uğurla həyata keçirilir. Xəstəxanada icra olunan bütün əməliyyatlar zamanı keçirilən anestezioloji xidmətlər beynəlxalq standartlara cavab verir. Şöbəmizdə bütün palatalar monitor, kondisioner, telefon, süni ventilyasiya cihazı, xəstə çağırış siqnalı, mərkəzləşdirilmiş qaz və vakuum sistemləri ilə təchiz olunub. Belə ki, bütün müalicə müddətində xəstənin ürək-damar sisteminin fəaliyyəti (arterial təzyiq,nəbz) və tənəffüs sisteminin fəaliyyəti (qanın oksigenlə tachizatı) daimi nəzarətdə saxlanılır. Bütün xəstələrin əməliyyatları, tibbi təqibləri, baxımları 24 saat müddətində təcrübəli həkim və orta tibb personalları tərəfindən nəzarət altında olur. Yatan xəstələrə xüsusi tibb personalları tərəfindən yüksək səviyyədə tibbi xidmət göstərilir, həkim dietoloqun nəzarəti altında səhər, günorta, axşam yeməkləri verilir, xəstə evə buraxılanadək yüksək təcrübəli həkimlərin nəzarəti altında olurlar. Bizim cərrahiyyə keyfiyyəti, həcmi, sürəti, kosmetikliyi və daha az invazivliyi ilə seçilir. Şöbəmizdə adətən digər ölkə və bölgələrdə uğursuz operasiya olunmuş xəstələr şəfa tapır. Yəni biz ölkədə son ümid yeri olaraq qalırıq və onun öhdəsindən müvəffəqiyyətlə gəlirik. Klinikamızda qəbul şöbəsi, konsultativ poliklinika şöbəsi, laboratoriya şöbəsi, şüa diaqnostika şöbəsi, təcili tibbi yardım şöbəsi, anesteziologiya-reanimasiya və intensiv terapiya şöbəsi, uşaq cərrahiyyəsi, oftalmologiya şöbəsi, neonatologiya və doğuş şöbəsi, mama-ginekologiya şöbəsi, cərrahiyyə şöbəsi, əməliyyat bloku, üz-çənə cərrahiyyəsi şöbəsi, LOR cərrahiyyə şöbəsi, neyrocərrahiyyə şöbəsi, travmatologiya və ortopediya şöbəsi, ürək-damar cərrahiyyə şöbəsi, transplantologiya şöbəsi, urologiya şöbəsi, qan köçürmə şöbəsi, fizioterapiya və bərpa şöbəsi, patoloji anatomiya şöbəsi, siğorta şöbəsi, tibbi təchizat şöbəsi fəaliyyət göstərir. Bir sözlə klinikamıza gələn hər bir xəstə burada tam və əhatəli şəkildə müayinə olunmaq imkanına malik olur.
İş Vaxtı
24 saat işləyir
B.E. Ç.A. Ç. C.A. C Ş. B.
00:00 00:00 00:00 00:00 00:00 00:00 00:00
00:00 00:00 00:00 00:00 00:00 00:00 00:00

Dr. Muhsin Sarıhan, stomatoloq Həkimlər
Dr. Muhsin Sarıhan, stomatoloq -

Estetik stomatologiya
Lazer stomatologiyası
İmpantologiya
Endodontiya
Ortopedik stomatologiya
Səməd Vurğun 25

"Dr. İlqar Hüseynov" İnvaziv Radioloq Həkimlər
"Dr. İlqar Hüseynov" İnvaziv Radioloq - Dr. İlqar Hüseynov 1981-ci ildə Bakı şəhərində doğulmuşdur. 1987-1998-ci illərdə Bakı şəhərindəki 226 saylı orta məktəbdə təhsil almışdır. 1998-ci ildə Azərbaycan Tibb Universitetinin müalicə-profilaktika fakultəsinə daxil olmuşdur. 2002-ci ildə həmin fakultəni bitirmiş və 2002-2004-cü illərdə hərbi-tibb fakultəsində ali tibbi təhsil almışdır. 2004-2006-cı illərdə tibb xidməti zabiti olaraq hərbi həkim kimi işləmiş, 2006-2007-ci illərdə internatura ilə ümumi cərrah ixtisasına yiyələnmişdir. 2014-cü ildə Türkiyə Respublikasının Çukurova Universitetində invaziv radiologiya üzrə təhsilini başa vurmuşdur. 2014-ci ildən "Grand Hospital" klinikasında işləyir. Bir neçə elmi araşdırma və məqalələrin müəllifi və həmmüəllifidir. Müayinə və Müalicə Mütəxəssisləri Elmi Cəmiyyəti - RNOİK, Avropa Kardiovaskulyar və İnvaziv Radioloji Cəmiyyəti - CİRSE üzvüdür. Müntəzəm olaraq beynəlxalq elmi konfrans və ixtisasartırma kurslarında iştirak edir. İnvaziv radioloq doktor İlqar Hüseynov damar, həzm, ifrazat sisteminin borulu orqan və strukturlarının xəstəliklərinin, o cümlədən daralma və genişlənmələrinin perkutan yolla, yəni dəridən birbaşa damara və ya orqana keçməklə, narkozsuz, yerli keyitmə ilə, cərrahi kəsiksiz, tikişsiz müayinə və müalicəsini həyata keçirir.

Akademik Həsən Əliyev 38
Sualınız var?Müraciətinizi qeyd edin|
Sualınıza 10:00 - 18:00 ərzində cavab veriləcək.
Göndər
Operator 07.12.2016, 22:21
Sizə necə köməklik edə bilərəm?
Təmizlə
Göndər
WINDOWS ÜÇÜN Vektor YÜKLƏ MAC OSX ÜÇÜN Vektor YÜKLƏ Google Play App Store Wp Store
Bizi sosial şəbəkələrdə təqib edin
Facebook Instagram Google+ Twitter Youtube